بعد طول غياب , وبعد ما غلبني الشوق لأحبائي في المنتدى ....
اعود اليكم من جديد ومعي هدية متواضعة اتمنى انها تفيد لو القليل ...
الدرس اليوم راح يكون مفيد جدا لأصحاب اتصال الستلايت احادي الإتجاه , وذلك لعمل شبكة بين اكثر من جهاز لمشاركة الاتصال من الجهاز الرئيسي اللي فيه (( اتصال هاتفي + اتصال الون واي )) .
الشرح كان بمساعدة بعض الأخوان اللي افادونا بهالطريقة الله يجزاهم خير ...
نبدأ بالأجهزة المطلوب توفرها :
1 - جهاز رئيسي يكون شغال على النت وشغال على الدش احداي الإتجاه . ويكون فيه كرت شبكة .
2 - جهاز اكسس بوينت وايرلس (( مثلا : LinkSys )) سعره 319 ريال .
3 - الاجهزة اللي بتكون مشبوكة في شبكتنا لابد تحوي على وحدة اتصال لاسلكي (( 99 ريال )) . باستثناء اللي عندهم اجهزة سنترينو طبعا .
الان نبدأ بالخطوات العملية :
اول شي تشبك الاكسس بوينت بكرت الشبكة بالجهاز الرئيسي عن طريق سلك الشبكة , ثم تدخل سيدي الإعداد حق الاكسس بوينت ...
اثناء الإعداد , بيعطيك ثلاث معلومات مهمة : * الاي بي حق الاكسس بوينت . * الاي بي حق جهازك (( الرئيسي )) . * الماك ادريس .
كذلك من الـ Network Connections , تروح لأيقونة الـ Local Area Connection اللي هي شبكتك المشبوك عليها الاكسس بوينت (( طبعا راح تطلع تلقائيا عندك لطالما ان الاكسس بوينت مشبوك , يعني مايحتاج اعداد لها )) , وراح تكون بهالأسم افتراضيا , مالم تغيره انت .
من الايقونة بالزر اليمين للماوس , تروح للخيارات .
من مربع الايتيمز روح لـ Internet Protocol ( TCP / IP ) , واضغط Properties .
في هذي النافذة , عند عنوان الاي بي حط الاي بي حق جهازك واللي عطانا اياه سيدي السيت اب للاكسس بوينت , راح يكون ينتهي برقم 1 عادة .
الماك ادرس , وغالبا مايكون العنوان هذا : 255.255.255.0
الان OK و OK ...
الان انتهينا من اعداد الجهاز الرئيسي ....
نروح للجهاز الاخر المتصل بالشبكة :::
نشبك وحدة الاتصال ونعرفها , راح تلقط الاتصال تلقائيا من الاكسس بوينت ,
الان نروح لايقونة الاتصال الاسلكي من Network Connections -------> بعدين Properties -------> من مربع الايتيمز روح لـ Internet Protocol ( TCP / IP ) , واضغط Properties .
في خانة الاي بي حط اي بي جهازك هذا , حط اي شي , لاكن المهم يبدأ بـ : 192.168.1 واخر خانة على كيفك , المهم لاتكون رقم 1 لان هذا عنوان الجهاز الرئيسي .
الماك ادرس , اتفقنا عليه من قبل .
الجيت واي , نحط اي بي الجهاز الرئيسي , وللي مايعرفون وش معنا جيت واي , يعني الجهاز اللي متصل بالخارج وعن طريقه يتم امرار البيانات واستقبالها .
الان نروح للانترنت اكسبلورر , Tools و InternetOptions و Connections بعدين نروح للـ LAN Settings
في مكان البروكسي نحط بروكسي شركة انترنت الدش , والبورت .
نحط صح قدام خيار التجاوز , ونعطيه في المربع الكبير اللي تحت عنوان اي بي الاكسس بوينت (( اخذناه من السيت اب )) . الان اوكي واوكي .
الان نرجع للجهاز الرئيسي , نشبك الدايل اب , ونشبك الدش , ونشغل برنامج الدش .
وتمتع بالحرية ,,,,
عذرا على الإطالة , واتمنى يكون الشرح واضح , واي سؤال انا حاضر ان شاء الله .
